跟任德章入長飛光纜

琴晚研究咗半新股長飛光纜6869,覺得唔錯,今早以6.65以下買咗啲,可惜成交好弱,只可小注。

留意此股的原因有點特別,是從股東增持名單入手。長飛今個月10日以7.39元招股價上市,係下限價,但上市後股價一直潛水。翻查紀錄,發現此股至今只有兩大買家,其中一個就係保薦人高盛,因為它早前依超額配股權基制,多沽了約2400萬股,佔發行股數約15%,所以現時只是負責做穩定價格的工作,至18日披露易顯示,已回購約1800股,而根據報價資料,這幾天交易日,高盛牌差不多掃了500萬股,即高盛行使超額配股權的機會很微,而未來幾個交易日,來自它的購買力亦會消取。

亮點是另一位買家,任.德.章,這位搞財技同投資一樣掂嘅高手,除咗IPO時中了約2500萬股外,還於市場中掃了約700萬股,約佔9.41%H股。如果大家有炒過中國信貸(8207),就知任德章啲嘢,識炒係有唔少水位。

簡單講,長飛係一間中外合資企業,主要一條龍生產光纖光纜,現時股東有內地人脈甚廣的中國華信(財富500強),持有專利技術的Draka(前菲利普分支,現為意大利上市公司附屬),以及內地上市的長江通信(600345)。現時股權架構是,中國華信及長江通信合共持有3億股內資股,約佔一半股權。而Draka則持有1.57億股H股,約佔25%股權。估值方面,去年純利4.2億人民幣,即市盈率7.5倍左右。今年上半年盈利平穩,但因派特別息後,融資淨額多了5000萬,所以睇上一欄,經營溢利按年增長25%,算係唔錯。

再拆一拆,1.57億股的流通H股股權分佈,任德章佔了0.32億股,惠理基金持有0.185億股,兩位基石股東東風資產及中國南車合共持有0.318億股,即逾半數股份被四位機構投資者hold起。

難得有隻股可以睇PEG得,睇股權分佈都唔錯,所以小弟決定中線持有長飛,揸佢幾個月睇佢底牌。

本篇發表於 投資事 並標籤為 , , , , , , 。將永久鏈結加入書籤。

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s