琴日政府公布，資本策略(497)以4.27億地價投得屯門仁政街限量地，地盤面積1.26萬方呎，可建樓面面積8.05萬方呎，每呎地價5,307元，較去年同區井財街地皮每呎1,938元，高出1.7倍。
消息一出，唔少報道話，樓市又升溫，附近居民話離哂譜。有專家話，未來要賣過萬蚊呎先回到本，唔好話賺。究竟係發展商計錯數，定係個樓市就黎又飆升呢？咦… 等等邊個話一定係起哂住宅先？睇返份賣地章程，仁政街地盤可起零售樓面約1.26萬呎。唓… 物業樓下搵一兩層做商舖有乜特別？
這個地盤最大嘅特色係，鄰近新地嘅V City同屯門市中心，鍾楚義話區內舖位呎價動輒8萬至9萬元，所以睇好。假設仁政街地盤呎價得一半，每呎4萬，咁零售舖面都值5億。如果係咁，住宅係咪賣一萬呎都冇得賺呢？
