地產股反擊戰(二)

琴日仲有三間高風險的本地地產股未寫,分別係資本策略(497)、彩星集團(635)同香港小輪(50)。首先要講清楚,這些都是投機目標,並不是從投資角度出發。

有位建築師朋友問,資本策略的地產項目定位很不錯,執行也做得很好,財務實力也很強,但不明白為何市價仍然是大折讓。這個問題涉及到資本市場的運作,係一個很大的課題。簡單咁講,好多人想買又冇賣家嘅股票,股價先會被搶高。

資本策略大股東係參與過電盈大刁嘅鍾楚義,很多人係電盈上輸過大錢,發過毒誓唔再買同佢有關嘅股票,甚至有朋友聽聞過佢嘅大名,都唔會買佢嘅股價,可能依個就係大行成日講嘅管理層折讓。

咁點解今次又衝入去買?純粹係睇中佢上兩個月,大手回購,消化咗沽壓,加埋隻野每隔一兩年都會炒鋪勁,唔知今次會唔會借地產回暖炒返轉。

彩星集團都係睇中回購加高息,加埋唔少人係子公司彩星玩具(869)賺咗大錢,如果部份流入返母公司,今轉都有機會向上行。

最後香港小輪就博得遠一點,因為今年粉嶺大型項目「逸峰」將入數,估計銷售額約32億至36億,稅後利潤8至10億,現時市值26.5億,博佢入數後,派特別股息。當然,如果依兩季內,開售寶其利街項目炒起的話,應該都係出貨時機。

PS: 彩星集團(635)同香港小輪(50)成交量極細,不可以高追,想買都唔可以買得多

本篇發表於 投資事 並標籤為 , , , , , , 。將永久鏈結加入書籤。

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s