地產股反擊戰

早前用Chrome上唔到新文,今日先發現原因係瀏覽器問題。如果想睇返,可以去Facebook

這次大規模入中小型地產股,基於兩個原因,第一市場正跟自己劇本走,如租盤荒新聞增多、一手新盤熱銷至近日的大行上調本地樓價預測,持有的大型地產股已率先破頂,已有一定利潤墊底。

第二上個月大手入地產股時,同其他投機者講,十個聽到,九個投來鄙視目光,應該係心諗個樓市唔得喇,仲買依啲,所以幾可肯定持貨者都有一定實力,最少係悶得的一批。過去一個月大型地產股的升幅加上大行輪住唱好,很大機會吸引到後發的投機者衝入去,買一些仲未大升的中小型地產股。

因此既然有利潤在手,不妨再大包圍博一博。這次動用資金較多(個倉60%以上買咗落去),主因係地產股條數易計,一向波幅不大,所以推高注碼去博。

去到選股,今朝出完Post後,到宜家差唔多每隻都比人問過,證明今次用大包圍策略係幾正確,因為每人都有一隻心水的地產股。而這次入市的思維則主要用排除法去選,講真咁多間本地地產商,佢地盤生意大部份都係非常雜,要大約了解,談何容易,所以都係睇住個市場黎炒。

二線地產股: 比較熟的有信置(83)、嘉華(173)、合和(54)、嘉里(683)同九建(34)

當然好多人會放信置係一線,但這個不少重點,焦點係諗下市場會點諗佢地。這次不選信置,純粹係政府改變科技園發展地做住宅用途後,白石角地價直線下跌,信置係該區的貨尾未清,大型新盤又未開,仲要九肚山項目隨時會波及到,如果人同此心,睇中線應該弱一點。

嘉華係少有過去一年炒咗轉勁嘅地產股,唔多唔少係因為銀娛(27)上年狂炒時,市場順手炒埋依間和仔系公司,所以今次炒地產板塊重估,唔選擇佢。

灣仔大地主合和(54)就繼續做緊大牌,可惜對資本市場的運用能力差一點,上一轉分拆失敗後,2013年派息少咗27%,作為投資者感覺唔係咁好。(當然如果睇長線一點,合和收租物業,尤其係九展的突破發展,可能比同行好。)

相比其他地產股,嘉里建設(683)的內地資產比重較高,亦都因為係咁,佢都跌得比較深,係分掛嘉里物流(636)後,股價一直反覆下沉。今次純粹博市場將焦點,睇返佢嘅香港項目,重新value過佢。

九建(34)則博佢曝光率增加,加埋長年穩定的高派息,會吸引到穩健投資者。深入一點的分析可能要下星期才有時間寫。

另外三隻就係高風險野,純粹博爆數,等等再寫。

廣告
本篇發表於 投資事, 棋亮 並標籤為 , , , , , , , , , , , , , , , , 。將永久鏈結加入書籤。

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s