炒股與投資之別

有位大學師弟問,炒股可快速致富,點解唔將全副身家拎去炒股,而要分散投資到其他資產市場。這條問題涉及想法太多,首先要分開「炒股」及「投資資產」。

炒股可以話係,喺森林入面打獵,面對很多未知數,有時好勤力,都未必能遇上獵物,甚至好易成為別人的獵物。即使有一套持續賺錢的操盤方法,當中都必然會有賺有蝕,如果只依賴這種方式搵食,仲會有冇飯開之一。

可是我們日日都要開飯,所以有時要依賴耕種所得的糧食,即是提供穩定現金流的資產,這就是「投資資產」。今時今日,很多人愛投資港樓,就是因為可以提供穩定的現金流。

最近開始研究日本物業,並唔係為咗大手大手買入,然後狠賺一鋪,變成超級富豪,而係認為投資日本物業,守方面有十厘淨回報,攻方面則有倍升空間,值博率很高,值得分兩三成組合的資金投資。

為何不投資盈富(2800)基金就算數?很多學術研究報告指,長期來說股市回報,跑贏其他資產類別。然而,認真睇報告的研究數據,就會發現好多時,結尾係一個牛市的頂部,參考價值有限。投資係把握時機,抓住資產類別的牛熊交替。

盈富基金現時息率只有3厘,未來五年,會倍升見四萬八嗎?機會唔係冇嘅,只係可能性不高。加上平時亦會係依個場入面打獵,冇謂將全部蛋放哂入一個籃。係依個領域入面,一次過比人地獵殺咗,冇人會同情的。

ftr-pari-00057849-001.jpg

 

本篇發表於 投資事, 棋亮 並標籤為 , , , , , 。將永久鏈結加入書籤。

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s