顧問報告 VS 證券報告

最近經常聽到四隻字,顧問報告。

根據顧問報告,香港市場只能容納四間電視台,所以決定要「三揀二」。根據顧問報告的十一個因素,以及四大批審準則,我地決定咗… ….

無可否認,由專業人士撰寫的顧問報告,有一定的參考價值,但決策者是不是一定要言聽計從呢?如果百分百依賴顧問報告,咁決策者的價值係邊?顧問報告成員取代決策者,是不是更具經濟效益?

1999年政府決定興建迪士尼的顧問報告預測,2013年本港人口為860萬,遊客總數為2,460萬。然而,去到今年年中,本地人口約718萬; 另外至今年9月,外地遊客總數為4,309萬。現實就係咁,未知數眾多,難以預測。1999年決策時,根本冇人會諗到2003年沙士、七一後,會有「自由行」來港。所以決策者要考慮的是,如何試驗最適合的結果,以往的香港發展,就交給了「自由市場機制」。

凡事以顧問報告作擋箭牌,是「不做錯」文化的行為。這種文化有乜野問題?就係漠視「未知數」,又或者為了「唔做錯」,而不去嘗試,抗拒改變。如果是一間企業,很多時都是悲傷的結局–被市場淘汰,就好似DTZ戴德梁行的股權價值歸「零」。

cy_leung

永遠都唔表態,咪唔會錯囉!去片!!(http://www.businessinsider.com/cy-leung-no-comment-on-edward-snowden-2013-6)

做投資都係差唔多,投資者參考唔同嘅資訊「做決定」,其中一樣大家好鍾意只係睇結論的,叫「證券報告」,然後即跟。查實由分析員寫的報告,是盡量將客觀的事實記錄下來,再加上推論,作一個建議。但係,做一個真正的投資者,要諗嘅因素係非常之多。面對不同的市況,點樣安排資產分佈比例?幾多係股票好,幾多係樓好?幾多係現金好?假如決定用20%現金投入股市,目標係回報幾多,又承受得起幾多風險。最後才是比較不同股票,考慮其回報及風險,照單執藥。嘩!好煩呀!仲未算… … 最麻煩的就係,要留意市場變化,持續檢討投資組合是否合適,為做錯咗嘅決定執手尾,要認自己做錯,是需要很大力量的。

撰文: 棋亮

廣告
本篇發表於 投資事, 棋亮 並標籤為 , , , , 。將永久鏈結加入書籤。

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s