香港電視變Netflix ?

經常被問到,如果香港電視(1137) 參考美國網上串流訂閱服務平台Netflix ,咁咪唔洗理「一男子」因素,繼續搞說好的30條電視頻道。

講返少少Netflix的背景,主要係99年靠電影DVD郵寄租賃服務興起,後來轉攻網上串流訂閱服務。簡單咁諗,有一點似收錢嘅youtube頻道,訂戶只要比錢,就可以經過Netflix睇電視劇、電影、或者其他節目。Netflix的服務大受歡迎,從2004起到2011年的高位,股價曾升近30倍,亦成為咗唔少教Valuation書籍的科網股案例。

好景不常,Netflix於2011年遇上發展的樽頸位,加上行業競爭加劇,收入急轉直下,跌至2012年下半年每股60元不保。咁點解仲值得香港電視參考?

Netflix一改採購電視節目平台的定位,轉為工廠模式,生產自家節目,製作了一套口碑極佳的電視劇House of cards,並獲得行內地位崇高的艾美獎(最佳劇情類導演大獎),往後公佈季度業績增加了二百萬新訂戶,至今年首季全球訂戶約有3700萬名,盈利大反彈,股價亦升了5倍有多。香港電視能抄襲嗎?

1) Netflix的訂戶多於香港人口5倍,市場的闊度完全不同。HKTV打盡香港市場能支撐一條頻道?若不能,那打盡華人市場呢?現時市場上沒有參考,如果直接省卻營運電視台的階段,跳到Netflix的模式,是很高風險的投資。

2) Netflix主打的,仍然係串流訂閱服務平台,究竟自家製電視劇受歡迎,會否令供應商(供劇的電視台)不滿,引致大幅加價,現時無人得知。幾年前,不少廠商眼間OEM前景暗淡,但轉做自家品牌又比客戶罵,左右不是人,最後拖下拖下,被市場淘汰了。Netflix於不久將來,很大機會遇上這個困局。

之前,王維基話可能有一個高風險決定,但暫時不能公佈細節,怕市場過份刺激股價。或者這個決定就是轉做網上電視,係宜家市場充滿激情之際,確實有機會短時間內炒到癲,但沒有實際業務去支持,最後股票大幅回落在所難免,令HKTV於股民心目中減分,阻礙未來發展。

返回投資角度,於發牌事件前,公司手持大量現金,提供防守力,進攻方面,假如獲發牌,可惹來憧憬,有機大炒一轉,值博率很高。然而現時短期發牌冇望,有機會轉戰比「搞電視台」風險更高,未知數更多的「網上電視」,回報及風險變數模糊了很多,不再是很好的投機選擇。

撰文: 棋亮

廣告
本篇發表於 棋亮 並標籤為 , , , , 。將永久鏈結加入書籤。

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s